Thursday, August 24, 2017

Motivation Blues

Oftentimes
Motivation sticks hard on you
Like that insatiable summer leech
That found a juicy vein;
And you stay wondering
To a maddening infinity
Whether to let it suck you dry
Or remove it with a salt-pouch.

Oftentimes
Motivation falls to the stones
Like that unfortunate aircraft
That crashed on a cliff;
And you stay wondering
To a maddening infinity
Whether to hook it up to you
Or jump headlong to it.

Oftentimes
Motivation flies to the stars
Like that crazy bird
That escaped a cage;
And you stay wondering
To a maddening infinity
Whether it swoops down to you
Or you soar up to it.

Many a times
Motivation weighs heavy on you!

Friday, August 18, 2017

Facebook Fragments VIII


जग राम्रो भए, हुन्थ्यो थप्दा अर्को तलो
बनाऊ राम्रो भर्‍याङ्ग ऐले, होला त्यसले भलो
अोइलाउँदैछन् फूलहरू, विषै परे सरी
धारो देऊ सानो, भैगो ठूलो माछापोखरी

---
काम लाग्‍ने नै जूनि दिएछौ धर्तीमाता
धन्य छु,
अलिकति दु:ख पनि लागेको छ:
आफूले बाँच्न चाहेको पुस्ता नजन्मी
दुनियाँ छोड्नु पर्नेरहेछ


---
उसले सोध्यो:
तिमी मेरो आकाशमा अट्छौ कि अट्दैनौ?
ठाउँ पुगेन भने थोरै घट्छौ कि घट्दैनौ?
मैले भनेँ:
तिम्ले आफ्नो भन्या आकाश तिम्रो मात्रै होइन!
म पनि त त्यत्ति ठूलो आकारको छैन !


---
तिमी कक्षाकोठा नछोड्ने,
म प्रयोगशालाबाट ननिस्किने
अनि टुकुचामा आची बग्दैछ कि अमृत
हाम्लाई कहाँ थाहा हुन्छ त गुरू!

---
राजनीतिले देश र समाज चलाउँछ,
'पोल्टिक्स्' ले देश र समाजलाई धेरै चलाउँछ
अनि चल्नै नसक्ने बनाउँछ!

---
देखाई देखाई लगाएको गुन,
अरू कुनै जनावरले सम्झेला,
तर मान्छेले बिर्सिन्छ ।
त्यसैले वेकार छ खोज्‍नु
हिसाब-किताब, लेखा-जोखा
नदेखाई लगाएको गुनको ।


---
हिंड्दा हिंड्दै अनायसै पुगेँ सागर भेटन
थाहा पाएँ त्यो पानीले सक्दैन प्यास मेटन

---
किन किन
पाखे नै रहने भइयो,
समयसँग चल्न सकिएन,
जरा र फेद छिनाएर
पातमा गुँड बनाउने
रहर कहिल्यै आएन !

 
---
घाम तापेर बिताए पनि
कुरा काटेर बिताए पनि
दिन आखिर जान्छ-जान्छ
बूढो त एक दिन हुनु नै छ साथी
जागिर छोड्दा आउने रकम त छँदैछ
त्यसपछि पनि ज्यानले वृद्धभत्ता खान्छ खान्छ


---
पैरो जाने पहाड
बाढी पस्‍ने तराई
कुरौटे आफन्त
भरौटे पराई

यीबाट बस्‍नू
सकेसम्म पर
नत्र उठ्छ बास
न रहन्छ घर!

---
फेसबुक,
म तँलाई टुक्रा टुक्रामा कोरिरहन्छु,
तँ दिनको एक लाइक ठोकेर
दंग रहन्छस्।

---
अरुको रिस गर्दागर्दै
आफैँमा विष भर्दाभर्दै,
दिनमा एकचोटी कसैलाई नसरापे
रात नकट्ने हुनसक्छ
भात नपच्‍ने हुनसक्छ !

---
उमेरको आभाष त मनमा हुन्छ नि
ठिटौलेपन महसुस गर्न कपालले छेक्दैन
चित्त दुखे नि त्यो ठाउँको रङ्ग देखेर दुख्ला
जसलाई जति रङ्ग्याए नि कसैले देख्दैन

आफ्नो भागमा छोडिएको यही सेतो रङ्ग
अब मरिहत्ते गरे नि अर्को सर्दैन
कसैले अङ्कल भने नि के भो र
हजुरबा त भैसकियो, अब फरक पर्दैन

---
तिमीले नदिएको समय
तिमीले नगरेको काम
तिमीले नपाएको सफलता
तिमीले नकमाएको नाम
तिमीले नसम्झेको गुन
तिमीले नस्विकारेको गल्ती
तिमीले नकारेको आफन्त

यी सबैले,
तिमीले नचाहे पनि
बारम्बार घोचिरहन्छन्
तिमीलाई पोलिरहन्छन्

---
मन्त्रोच्चारण रोकियो अल्झिई उच-नीचमा
पूजा भयो कठै ठप्प पुजारीहरू बीचमा

---
कृष्णजीले जे गरे नि लिला भनिने
हाम्ले गरे उस्तै काम पाप जनिने?

---
आफैँले खटेर गर्दा बढ्छ काम निरन्तर
हेर्दा बाटो निठल्लाको हुन्छ जाम भयङ्कर

---
तँ होस् साँढे, म हुँ गोरु, हुनु जे थ्यो भयो
नियतिले हलो तान्छु, तेरो इज्जत गयो?

---
राम्रा दिन आउँछन्,
राम्रा मान्छेले नै ल्याउँछन्,
तिमी भनौला सदा झैँ "राम्रा मान्छे खोइ?"
म पनि सोधौँला, "तिमी आफू चैँ?"

---
तलबाट तान्दा तान्दा तन्किएर
दुखिरहने भएको छ पैतालो
माथिबाट थिच्दा थिच्दा
थिङ्थिलो भएको छ थाप्लो,
त्यसैले, साथी
पैतालो जमिनलाई
अनि थाप्लो आकाशलाई छाडी,
बिचको भागमात्र चलाएर
जिन्दगी काट्ने निधो गरेको छु

 
---
म ऊतिर जाने बाटोमा
काँडै-काँडा देख्छु,
अनि ऊतिर जान्नँ

म चाहन्छु,
ऊ नै मतिर आओस्
त्यही बाटो हिँडेर

कुरा के भने
उसँग मेरो
सम्झौता हुनैपर्छ
---
उसले गीत लेख्‍यो
गालाको कोठी हेरेर
संगीत मिलेन
स्वर मिलेन
नाच मिलेन
अनि
दोष कोठीले पायो


---
कतै कतै खुसियाली मनै रनघन
कतै भने खस्रो बोली भाँचिएको मन
दैव ! मन खोलिदेऊ, भन्देऊ बुझ्छु पिर
यत्तिले नि उठ्न सक्छ लत्रिएको शिर

Saturday, July 22, 2017

When I Am Inspired to Write


I hear one say:
This land, the trees and the fruits
belong to me,
I inherit these from my ancestor
I hear another say:
No, this land, the trees and the fruits
belong to the earth
and therefore to everyone


Then I am inspired to write!

I hear one say:
The soil has potential
I have knowledge for greater crop
And the entire harvest will be yours
I hear another say:
No matter what it's worth,
Tilled or left barren,
You can't touch a speck of it

Then I am inspired to write!

I hear one say:
We have some time
but time will not wait
I hear another say:
Mind your business
and do not waste my time

Then I am inspired to write!

Sunday, July 16, 2017

Learning (not) to Walk

The first time,
Walking through a crowd,
I trampled someone's toes
And apologized.

The second time,
Walking through a crowd,
I hit someone's heel
And apologized.

The third time,
Walking through a crowd,
I elbowed someone's armpit
And apologized.

But I learned to walk,
To walk through a crowd
Of myriad emotions,
And disciplined my steps.

I still walk through a crowd:
Now someone tramples my toes,
Hits my heels, or elbows my armpit
And walks away without apology.

But I keep walking, as always,
Through the crowd, thinking:
There's always someone around
Who is (not) learning to walk!

Monday, December 26, 2016

अन्तरेको चिठी -- विपना



काका:

बल्खु, पेरिसडाँडा, सानेपा
बालकोट, बालुवाटार, बूढानिलकण्ठ
सडक, टुँडिखेल, खुलामञ्च
यी कुनै धाममा गइनँ
मन्त्रालय, सचिवालय
विमानस्थल, होटल
सभा, गोष्ठी
ती कतैका लाममा भइनँ ।
वर्षौँदेखि त्यहीँ रहेँ
जहाँ सपनाहरूको गोडमेल हुन्छ
आशाहरूको मलजल हुन्छ
भरोशाहरूको पूजा गरिन्छ।

उस बेला,
सानो झोलामा,
एक-एक थान
मयलपोस र कट्टु बोकेर,
नाइट गाडीमा
सपनाको सहर पस्दा,
म जस्तो थिएँ,
लगभग त्यस्तै छु,
सपना खासै हुर्केको छैन
चित्त खासै फुर्केको छैन ।

तर, काका:
कुनै दिन फर्किँदा
नाइट बसमा
विपनाको गाउँ,
पक्कै ल्याउँला
सपनाको सहरमै जोडेको
परिवारको साथमा,
बीसौँ वर्षको सम्पति
कम्तीमा ‍दुई भकारी
किताबहरू नयाँ-पुराना ।

Wednesday, December 21, 2016

बिलौना

'ढोकाको चाबी हरायो
चुकुल खुस्कियो
आग्लो भाँचियो
झ्यालको डन्डी मक्कियो
पर्खाल चिरियो'

म यही सुनाउँदैथिएँ
सबैलाई,
पोख्‍दैथिएँ दु:ख
गर्दैथिएँ बिलौना
बटुल्दैथिएँ सहानुभूति
आफन्तबाट
छिमेकीबाट


तर
मेरो दुखेसो,
मेरो बिलौना,
शुभ सन्देश पो भएछ
कसै कसैलाई,
सुनाउन बाँकी नै रहेन अब
घरभित्र के छ, के छैन !



Friday, December 16, 2016

आत्मविश्‍वास

मलाई छाड्दैछन्
जुम्राहरूले,
तर म मरेको छैन

आज गएका जुम्राहरू
भोलि फेरि आउँछन्,
मेरो शरीरमा डुल्न,
टाँसिन,
मलाई डस्‍न


अनि
नफर्कुञ्‍जेल उनीहरू
म झेल्छु
उपियाँ
उडूस
लामखुट्टे

काम लागुञ्‍जेल
यो शरीर
मर्दिनँ म
मर्दै मर्दिनँ!

Thursday, December 15, 2016

कविता-बिम्व

शान्त तलाउको पानी हो कविता
तर होशियार भएर खोज्‍नु पर्छ
यसमा आफ्नो प्रतिबिम्व

उसले दिएको प्रतिबिम्व स्वीकारे
त्यो त्यही शान्त शीतल पानी जस्तै हुन्छ,
पिए हुने,
नुहाए पनि हुने,
अझ भनौँ न्यानो घाम जस्तो
तापे हुने
अन्न र कपडा सुकाए पनि हुने

कवितामा आफूले चाहेको प्रतिबिम्व
जबर्जस्ती खोजे,
अझ भनौँ आफ्नै प्रतिरूप खोजे,
त्यसले पोल्न थाल्छ
अचानक आगो भएर,
घोच्‍न थाल्छ काँडा भएर,
डस्‍न थाल्छ सर्प भएर!

शान्त तलाउको पानी हो कविता
तर होशियार भएर खोज्‍नु पर्छ
यसमा आफ्नो प्रतिबिम्व

Saturday, September 24, 2016

तर गन्तब्य?



गाडी छ:
ठाउँ ठाउँमा नट-बल्टु खुस्किएको
भुइँमा भ्वाङ् परेको
सीटमा काँटी निस्किएको
ईन्जिन थोत्रिएर 
धुवाँको मुस्लो छादिरहने

बाटो पनि छ:
ठाउँ-ठाउँमा दह छन् 
भौडी छन्
कुलो-कुलेसो छन्
हुनु पर्ने, नहुनु पर्ने 
सबै छन्


चालक छ:
रोगी छ
कमजोर छ
जसो तसो चलाउँछ
त्यस्तो गाडी
त्यस्तो बाटोमा

मालिक छ:
चिन्तित छ
हैरान छ
बाहिरपट्टि नयाँ रंगरोगन दली दली
जसो तसो पठाउँछ
त्यस्तो गाडी
त्यस्तो बाटोमा
त्यस्तो चालकको हातमा

यात्रु छन्
नयाँ - पुराना
त्यही रंगरोगनको आकर्षणमा
त्यही बाटोमा 
त्यही गाडीको प्रतिक्षामा

हो
गाडी छ
बाटो छ
चालक छ
मालिक छ
यात्रु छन्
तर, गन्तब्य?

Sunday, September 11, 2016

खेती



सोमरस पिएर
सुन्दरी साथ लिएर
हुइँकिन्छु आफ्नै सुरमा,
तिमी
दायाँ-बायाँ
रातो-निलो
छिटो-ढिलो
भिड-खाली
केही नहेरी आऊ
मेरो अगाडि

तिमीलाई ठोक्दिन्छु
अलिकति पछि सरेर
कच्याककुचुक पार्दिन्छु,
तिमी
मलाई फोर
मलाई जलाऊ
बाटो छेक, टायर बाल
अरूलाई पनि फोर
अरूलाई पनि जलाऊ

संघ गुहार्छु
क्षतिपूर्ति माग्छु,
तिमी
पार्टी गुहार
शहीद बन

म कमाउँछु
तिमी कमाऊ
खेती गरौँ, आऊ ।